Ágætu félagsmenn

Á dagskrá síðasta aðalfundar félagsins þann 15. nóvember síðastliðinn voru lagðar fram lagabreytingar ásamt öðrum venjulegum aðalfundarstörfum.  Því miður var auglýstur fundartími aðalfundar liðinn þegar kynningu lagabreytinga var lokið.  Kom þá fram sú tillaga að fresta umræðum og atkvæðagreiðslu um lagabreytingarnar og var sú tillaga samþykkt.  Því liggur fyrir að klára umfjöllun og atkvæðagreiðslu um lagabreytingar sem lagðar voru fram á aðalfundi.  

Stjórn félagsins hefur því ákveðið að framhalds aðalfundur verði haldinn 16. janúar 2014.  Þar verða lagabreytingar kynntar aftur ásamt umræðum og atkvæðagreiðslu.  Félagsmenn eru eindregið hvattir til að kynna sér lagabreytingarnar fyrir fundinn og vera tilbúnir til málefnalegrar umræðu.  Þótt lagabreytingar hafi verið sendar út til félagsmanna  í lok október fyrir aðalfund munum þær verða sendar félagsmönnum aftur í lok desember til skoðunar.

Sem nýr formaður félagsins hvet ég félagsmenn eindregið til að mæta á fundinn 16. janúar og hafa áhrif á lög og starfssemi félagsins.

Með bestu kveðjum

Halldóra Björk