Search
Close this search box.

Úrskurðir yfirskattanefndar

  • Úrskurður nr. 77/2017
  • Barnabætur
  • Málsmeðferð

Ríkisskattstjóri synjaði kröfu kæranda um að honum yrðu ákvarðaðar barnabætur með dóttur sinni á þeim forsendum að dóttirin væri ekki með lögheimili hjá kæranda. Fram kom í úrskurði yfirskattanefndar að miðað við upplýsingar í skattframtali kæranda árið 2016 um framfærslu dótturinnar hefði ekki verið unnt að slá því föstu að kærandi gæti ekki talist framfærandi hennar í árslok 2015. Þar sem ríkisskattstjóri var ekki talinn hafa séð til þess að málið væri nægjanlega upplýst var úrskurður hans felldur úr gildi og kæra kæranda send ríkisskattstjóra til meðferðar og uppkvaðningar nýs úrskurðar.

  • Úrskurður nr. 79/2017
  • Ívilnun í sköttum

Kröfu kæranda um ívilnun í sköttum var vísað frá yfirskattanefnd sem tilefnislausri, enda bar kærandi hvorki tekjuskatt né útsvar og lækkun skattstofna hafði því enga skattalega þýðingu fyrir hann. 

  • Úrskurður nr. 80/2017
  • Duldar arðgreiðslur
  • Álag

Kærendur voru eigendur alls hlutafjár í Þ ehf. sem hafði með höndum þjónustu í tengslum við fasteignasölu. Í málinu var deilt um þá ákvörðun ríkisskattstjóra að færa kærendum til tekna sem duldar arðgreiðslur ýmsan kostnað sem gjaldfærður hafði verið í skattskilum Þ ehf. fyrir árin 2011, 2012 og 2013. Yfirskattanefnd féllst á með ríkisskattstjóra að útgjöld sem m.a. lutu að heimilishaldi kærenda, svo sem innkaup í matvörubúðum og kaup á ýmissi vöru og þjónustu, teldust persónulegur kostnaður kærenda og tekjur af hlutareign þeirra í Þ ehf. Fram kom í úrskurðinum að þótt ekki væri dregið í efa að afhending svonefndra kaupsamningsgjafa tíðkaðist meðal fasteignasala yrði ekki talið að gögn úr bókhaldi Þ ehf. bæru með sér að keypt hefði verið gjafavara í því skyni að afhenda öðrum. Var kröfum kærenda hafnað, þar með talið kröfu þeirra um niðurfellingu 25% álags.

  • Úrskurður nr. 83/2017
  • Ívilnun í sköttum
  • Kostnaður vegna heilbrigðisþjónustu

Ríkisskattstjóri féllst á beiðni kæranda um ívilnun í sköttum vegna læknismeðferðar sem kærandi naut erlendis. Með úrskurði yfirskattanefndar í málinu var fallist á að taka tillit til ferðakostnaðar erlendis við mat á fjárhæð ívilnunar.

 
Close Popup

Félag viðurkenndra bókara notar vafrakökur til að bæta upplifun og greina umferð um vefinn.

Close Popup
Privacy Settings saved!
Friðhelgisstillingar

Við notum vafrakökur til að skrá upplifun notenda síðunnar svo við getum betur komið til móts við þá. Hér getur þú með einföldum hætti haft áhrif á þá virkni.


Tæknilegar vafrakökur
Þessar kökur eru hluti af WordPress kerfinu.
  • wordpress_test_cookie
  • wordpress_logged_in_
  • wordpress_sec

GDPR stillingar
Þessi vafrakaka vistar stillingar notandans varðandi samþykki á vafrakökum á fvb.is
  • CookieConsent

Hafna öllum vafrakökum
Save
Samþykkja allar vafrakökur