Fyrirframgreiðsla vaxtabóta 3. ársfjórðungur 2015 verður greidd út 1. febrúar 2016. Fyrstu tveir ársfjórðungar voru greiddir skv. 10. gr. laga nr. 173/2008, sem þýddi lægri fjárhæðir og hærri eignamörk. Greiðslan núna er reiknuð m.v. bráðabirgðaákvæði XLI. í 90/2003 sem framlengt var um síðustu áramót. Reiknast allir ársfjórðungarnir upp samkvæmt því.
Vakin er athygli á meðhöndlun vaxtagjalda varðandi skuldalækkun vegna höfuðstólsleiðréttingar og séreignasjóðsgreiðslur.
1. Höfuðstólsleiðrétting – vextir og verðbætur inn á lán.
Vextir og verðbætur (vaxtagjöld) hvort sem er af vanskilum eða greiðslum í skilum sem höfuðstólslækkunin greiðir skulu EKKI mynda stofn til vaxtabóta.
2. Séreignasjóðsgreiðslur – vextir og verðbætur inn á lán.
Um greiðslur úr séreignarsjóðum inn á lán gilda sömu reglur og um aðrar greiðslur. Það þýðir að vexti af vanskilum og þann hluta greiðslna sem fer til greiðslu vaxta og verðbóta má taka með sem stofn til vaxtabóta.
.
Gjaldendur sem eru með skuldir hjá innheimtumanni geta átt von á því að fyrirframgreiðslunni verði skuldajafnað á móti þeirri skuld.
Þeim er bent á að snúa sér til innheimtumannsins varðandi það.
Í töflunni hér að neðan eru forsendur sem eru eins og þær verða í álagningunni. Rauðu tölurnar sína hvernig þetta var 1. – 2. ársfj.
| VAXTABÆTUR: | Hámarksfjárhæð *Tekjuskerðing | Eignaskerðingin * var | Hámark vaxtagjalda |
| Einhleypingar | 400.000 kr. (var 189.957) | 4.000.000 (0%) – 6.400.000 (100%) | 800.000 kr. (var 554.364) |
| Einst. foreldrar | 500.000kr. (var 244.299) | 4.000.000 (0%) – 6.400.000 (100%) | 1.000.000 kr. (var 727.762) |
| Hjón | 600.000 kr. (var 314.134) | 6.400.000 (0%) – 10.400.000 (100%) | 1.200.000 kr. (var 901.158) |
* Eignaskerðing í fyrri útreikningum var einstakl./einst. foreldri 7.119.124 (0%) – 11.390.598 (100%) og hjón kr. 11.390.599 (0%) – 18.224.958 (100%)
Tekjuskerðing verður 8,5% var 6% í fyrri útreikningum
Hámarksvaxtagjöld af skuldum nú 7% verður óbr. 7%
Vaxtabætur sem eru lægri en 5.000 kr. á mann fann falla niður ( var 692)
Hámarksfjárhæðir fara aftur í það sama og var í álagningu 2011 – 2015. Tekjuskerðingin verður 8,5% eins og síðasta ár. Einhverjir sem hafa verið að fá vaxtabætur á 1. og 2. ársfjórðungi, af því að skerðingarmörkin hækkuðu, munu þurfa að greiða þær til baka í lokauppgjöri 1. ágúst.Vakin er athygli á því að þetta er aðeins fyrirframgreiðsla upp í væntanlega álagningu.
Hámarksbætur í 3. ársfjórðungi 2015
verður var 1. og 2. ársfj.
Hjá einhleypingi kr. 100.000 47.489
Hjá einstæðu foreldri kr. 125.000 61.074
Hjá hjónum kr. 150.000 78.533
