RSK – Frumvarp til laga um rannsókn á aðdraganda og orsökum falls íslensku bankanna 2008

Meðfylgjandi frumvarp til laga um rannsókn á aðdraganda og orsökum falls íslensku bankanna 2008 og tengdra atburða var í gær lagt fram af formönnum þeirra stjórnmálaflokka sem sæti eiga á Alþingi.

Sjá frumvarp

Um er að ræða  lagafrumvarp sem mælir fyrir um skipun sérstakrar rannsóknarnefndar óháðra og sérfróðra einstaklinga sem er ætlað að vinna að rannsókn á ástæðum hruns bankanna og efnahagsáfallanna og leggja mat á hvort mistök hafi verið gerð við stjórn efnahagsmála og eftirlit með bönkunum.
Rannsóknarnefndinni er ekki ætlað dómsvald og ekki  veitt heimild til að beita viðurlögum.
Nefndinni ber að skila skýrslu til Alþingis .Verður skýrslan birt opinberlega. Ráðherrar og forstöðumenn  taka afstöðu til þess hvort einhverjir starfsmenn stjórnsýslunnar skuli beittir stjórnsýsluviðurlögum fyrir það sem fram hefur komið við rannsóknina.
Þó er lagt til  að nefndin tilkynni ríkissaksóknara og hlutaðeigandi stjórnendum hjá ríkinu ef hún verður vör við að opinberir starfsmenn kunni að hafa brotið refsilög eða gengið gegn starfsskyldum sínum.
Þagnarskylda víkur undantekningarlaust fyrir skyldunni til að láta nefndinni í té upplýsingar. Er nefndinni veitt víðtækari heimild til að krefjast upplýsinga, sem leynt skulu fara, en t.d. umboðsmaður Alþingis hefur. Enn fremur er gengið lengra en í reglum réttarfarslaga um undantekningar frá vitnaskyldu.