Námskeið um gerð ársreikninga 19. jan. í VR salnum.
Sjá úrlausn hér.
Fyrirlesari var Lúðvík Þráinsson, endurskoðandi hjá Deloitte og okkar gamalkunni kennari frá náminu í HR. Lúðvík var að venju ákafur að miðla sinni yfirgripsmiklu þekkingu á sinn skemmtilega og fræðandi hátt.
Mjög góð mæting var á námskeiðið eða 63 manns.
Farið var yfir óleiðréttan prófjöfnuð. Meðal efnis sem fram komu voru:
• Afstemmingu bankareikninga
• Útreikninga langtímalána og leiðrétting í árslok.
• Uppreikning vaxta lána
• Lotun kostnaðar síðasta árs er reikningur berst eftir áramót.
• Sala eigna
• Útreikningur arðs
• Beinar og óbeinar afskriftir
• Afstemmingar biðreikninga
• Fyrirframgreiddur kostnaður og fyrirframinnheimtar tekjur.
• Fyrningartöflur
• Útreikningur kennitalna
Að venju var Lúðvík með allt á hreinu og svaraði öllum fyrirspurnum með bros á vör. Var með góð dæmi mál sínu til stuðnings, og benti á að stundum eru fleiri en ein leið leyfileg við meðhöndlun mála. Mjög fróðlegt námskeið og góð leið til að skerpa á kunnáttunni um gerð ársreikninga áður vinna við uppgjör síðasta árs klárast.
Gott tækifæri skapaðist í matarhléi fyrir námskeiðsgesti til að skiptast á skoðunum og endurnýja gömul kynni.
Því miður þurftu nokkrir þátttakendur að drífa sig heim fyrir lok námskeiðs sem var miður, þar sem nokkur órói skapaðist af þeim sökum.
Takk fyrir skemmtilega og fræðandi samverustund.
Með kveðju, fyrir hönd fræðslunefndar
Halldóra Björk Jónsdóttir
