Endurmenntun HÍ býður nú í fjórða sinn nám til undirbúnings fyrir próf til viðurkenningar bókara á vegum Atvinnuvega- og nýsköpurnarráðuneytisins skv. 43. grein laga nr. 145/1994 um bókhald.
Námið er eitt misseri og byggir á prófefnislýsingu skv. 3. gr. reglugerðar nr. 535/2012 um próf til viðurkenningar bókara 3. útgáfa (júní 2014), sjá nánar á vef ráðuneytisins. Prófhlutar til viðurkenningar bókara eru: Reikningshald, skattskil og upplýsingatækni ásamt raunhæfu verkefni úr efnisþáttum I. og II. prófhluta.
Markmið:
Auka fræðilega þekkingu próftaka og hæfni til að beita henni í starfi, í samræmi við prófefnislýsingu og skilgreind hæfniviðmið sem auglýst eru af prófnefnd á vef Atvinnuvega- og nýsköpunarráðuneytisins. Kynna meginreglur og aðferðir reikningshalds, skattskila og upplýsingatækni í því lagaumhverfi sem það byggir á. Auka víðsýni og færni próftaka til að beita þekkingu sinni við lausn hagnýtra viðfangefna með aðstoð Excel töflureiknis.
Fyrir hverja:
Námið er einkum ætlað þeim sem starfa á sviðum bókhalds-, fjármála- og hagdeilda fyrirtækja og stofnana.
Mælt er með því að umsækjendur hafi starfað við bókhald og hafi haldgóða þekkingu og reynslu af bókhaldsstörfum sem og Excel töflureikni.
Kennslufyrirkomulag:
Kennt verður tvo daga í viku föstudaga og laugardaga.
Fyrirlestrar verða teknir upp og nemendum aðgengilegir á samskiptavef námsins. Upptökur eiga ekki við um verklega þætti námsins.
