Félagið sendi fyrirspurn til söluaðila nokkurra upplýsingakerfa varðandi þær breytingar sem þarf að huga að v. breytinga á virðisauka- og tekjuskatti. Þá mun 24,5% virðisaukaskattur hækka í 25,5% og tekjuskattur verða þrepaskiptur.
Uppfærslur einhverra kerfanna þurfa því að liggja fyrir innan fárra daga, og hafa þessi svör borist félaginu.
*******************************
dk hugbúnaður – breytingar á virðisauka- og tekjuskatti 1. janúar 2010
Þann 1. janúar 2010 koma til framkvæmda breytingar á virðisauka- og tekjuskatti. Þá mun 24,5% virðisaukaskattur hækka í 25,5% og tekjuskattur verða þrepaskiptur.
Uppfærsla á dk hugbúnaði mun verða tilbúin um áramót og verður hún aðgengileg fyrir viðskiptavini með uppfærslusamning á www.dk.is. Þar verða einnig leiðbeiningar sem skýra nánar hvernig standa skuli að breytingunum eftir uppfærslu.
Uppfært verður hjá viðskiptavinum dk Vistunar aðfaranótt 31. desember n.k.
*******************************
Hjá Notando.is notum við aðferð sem gerir það að verkum að okkar notendur þurfa ekkert að gera nema að skrá í kerfið, fyrir 31. des 2009 alla reikningslykla með 24,5% VSK sem eiga að vera til vegna ársins 2009. Að öðru leyti mun kerfið okkar sjá til þess að lyklar sem eru 24,5% árið 2009 séu 25,5% árið 2010. Hægt verður að bóka skjöl á árinu 2009 og 2010 á sama lykil og mun kerfið sjá til þess að viðeigandi VSK sé notaður á milli ára, þannig mun ekki þurfa að notast við tvöfalt lyklakerfi. Sama á við um vörur og sölu og innkaupareikninga. Notendur Notando munu ekkert þurfa að gera í þeim efnum nema bara nota kerfið eins og venjulega en kerfið mun sjá um að hugsa um breytingarnar þannig að allt virki rétt og virðisaukaskattur skráist rétt milli ára.
Varðandi launakerfi munum við verða tilbúnir með lausn fyrir 10 janúar en það sama mun verða upp í teningunum hjá okkur þar. Notendur munu bara nota kerfin eins og venjulega nema að þeir munu fá aukareit hjá launamönnum sem skrá má í áætluð laun á öðrum vinnustöðum, svo kerfið velji rétta staðgreiðsluprósentu.
*****************
– TOK
TOK Bókhald – og breytingar á virðisaukaskatti 1. janúar 2010
Eftirfarandi atriði þarf að skoða í TOK bókhaldi vegna breytinga á virðisaukaskattsprósentu
úr 24.5% í 25.5%. Breytingar þessar fela í sér að 1. janúar 2010 hækkar
virðisaukaskattsprósenta á þeim vörum sem nú bera 24.5% skatt upp í 25.5%.
Allir þurfa að uppfæra í útgáfu TOK 2010
Breyta þarf upplýsingum um vsk % á Útskatts- og innskattsflokkum
Ekki má gera reikning í sölukerfinu fyrr en búið er breyta vsk flokkum.
Ferli:
1. Opna nýtt bókhaldsár
2. Fara ínn í nýja árið
3. Í fjárhagsbókhaldi – breyta útskatts og innskatts prósentu úr 24.5% í 25.5%
– Velja Virðisaukaskattsvinnslur =>Viðhald vsk flokka
– Breyta heiti á reikningslyklum eins og við á: tekjulyklum, gjaldalyklum og
uppsöfnunarlyklum fyrir vsk,
4. Í sölukerfi – breyta útskatts og innskatts prósentu úr 24.5% í 25.5%
-. Velja Uppsetning => Vsk flokkar
5. Í birgðakerfi – breyta heiti á bókunarflokkum ef þarf.
Vegna reikninga í Sölukerfi– sækja nýjan þjónustupakka á tok.is sem inniheldur
nótulýsingu fyrir 25.5% vsk. Þjónustupakkinn verður aðgengilegur 30.desember.
Ef sérsmíðuð nótulýsing er í notkun, þarf aðstoð TOK ráðgjafa til þess að gera
nauðsynlegar breytingar.
