Dómur. Refsimál. Jón Stefánsson

D Ó M U R

Héraðsdóms Reykjaness, þriðjudaginn 21. desember 2010, í máli nr. S-864/2010:

Ákæruvaldið

(Eyjólfur Ármannsson ftr.)

gegn

Jóni Stefánssyni

Mál þetta, sem dómtekið var 7. desember 2010, er höfðað með ákæru ríkislögreglustjóra, útgefinni 12. október 2010, á hendur Jóni Stefánssyni, kt. 000000-0000, Víðihvammi 13, Kópavogi „fyrir fyrir meiri háttar brot gegn skatta- og bókhaldslögum framin í sjálfstæðri atvinnustarfsemi ákærða, með því að hafa:

1. Eigi skilað virðisaukaskattskýrslum vegna allra uppgjörstímabila áranna 2002 til og með 2008, en með þessu var eigi talin fram skattskyld velta vegna sömu tímabila samtals að fjárhæð kr. 64.380.610, og hafa eigi staðið ríkissjóði skil á virðisaukaskatti sem innheimtur var í starfseminni á sama tíma, í samræmi við fyrirmæli IX. kafla laga um virðisaukaskatt nr. 50/1988, samtals að fjárhæð kr. 11.673.745, sem sundurliðast sem hér greinir:

2. Látið undir höfuð leggjast að færa lögboðið bókhald vegna sjálfstæðrar atvinnustarfsemi sinnar rekstrarárin 2002 til og með 2008.

Framangreind brot ákærða samkvæmt 1. tölulið ákæru teljast varða við 1. mgr. 262. gr. almennra hegningarlaga nr. 19/1940, sbr. 1. gr. laga nr. 39/1995, sbr. einnig 1. mgr. 40. gr. laga nr. 50/1988, um virðisaukaskatt, sbr. 3. gr. laga nr. 42/1995 og 3. gr. laga nr. 134/2005.

Framangreind brot ákærða samkvæmt 2. tölulið ákæru teljast varða við 2. mgr. 262. gr. almennra hegningarlaga nr. 19/1940, sbr. 1. gr. laga nr. 39/1995, sbr. einnig 1. tölulið 1. mgr. 37. gr., sbr. 36. gr. laga nr. 145/1994 um bókhald, sbr. 1. gr. laga nr. 37/1995.

Þess er krafist að ákærði verði dæmdur til refsingar og greiðslu alls sakarkostnaðar.“

Um málavaxtalýsingu er skírskotað til ákæru.

Við ákvörðun refsingar er litið til þess að verknaður ákærða stóð yfir í langan tíma og varðaði verulega fjárhæð. Hins vegar ber að hafa í huga að ákærði hefur hreinskilnislega játað brot sín og að hann hefur ekki áður sætt refsingum. Þykir refsing hans hæfilega ákveðin fangelsi í níu mánuði. Rétt þykir að fresta fullnustu þessarar refsingar ákærða og skal hún falla niður að liðnum þremur árum frá uppkvaðningu dóms þessa að telja, haldi hann almennt skilorð 57. gr. almennra hegningarlaga, sbr. 4. gr. laga nr. 22/1955.

Jafnframt er ákærða gert að greiða 35.000.000 króna í sekt til ríkissjóðs innan fjögurra vikna frá birtingu dómsins, ella sæti ákærði fangelsi í sex mánuði.

Engan sakarkostnað leiddi af meðferð málsins.

Ragnheiður Bragadóttir héraðsdómari kveður upp dóminn.

Dómsorð:

Ákærði, Jón Stefánsson, sæti fangelsi í níu mánuði, en fullnustu refsingarinnar er frestað og skal hún falla niður að liðnum þremur árum haldi ákærði almennt skilorð 57. gr. almennra hegningarlaga nr. 19/1940, sbr. 4. gr. laga nr. 22/1955.

Ákærði greiði 35.000.000 króna í sekt til ríkissjóðs innan fjögurra vikna frá birtingu dómsins, ella sæti ákærði fangelsi í sex mánuði.

Ragnheiður Bragadóttir