Dómur. Refsimál. Vilhjálmur Stefánsson

D Ó M U R

Héraðsdóms Reykjaness, þriðjudaginn 21. desember 2010, í máli nr. S-877/2010:

Ákæruvaldið

(Eyjólfur Ármannsson ftr.)

gegn

Vilhjálmi Stefánssyni

Mál þetta, sem dómtekið var 7. desember 2010, er höfðað með ákæru ríkislögreglustjóra, útgefinni 21. október 2010, á hendur Vilhjálmi Stefánssyni, kt. 000000-0000, Hraunkambi 4, Hafnarfirði „fyrir meiri háttar brot gegn skattalögum framin í rekstri einkahlutafélagsins VS Hús, kennitala 000000-0000, sem ákærði Vilhjálmur var framkvæmdastjóri, varastjórnarmaður og prókúruhafi fyrir, með því að hafa:

Eigi staðið skil á virðisaukaskattsskýrslum einkahlutafélagsins á lögmæltum tíma vegna uppgjörstímabilanna maí-júní og nóvember-desember 2006 og janúar-febrúar 2007, og hafa eigi staðið ríkissjóði skil á virðisaukaskatti sem innheimtur var í rekstri einkahlutafélagsins vegna uppgjörstímabilanna mars-apríl, maí-júní og nóvember-desember 2006 og janúar-febrúar 2007, í samræmi við fyrirmæli í IX. kafla laga nr. 50/1988 um virðisaukaskatt, samtals að fjárhæð kr. 4.647.586, sem sundurliðast sem hér greinir.

Framangreind brot ákærða samkvæmt ákæru teljast varða við 1. mgr. 262. gr. almennra hegningarlaga nr. 19/1940, sbr. 1. gr. laga nr. 39/1995, sbr. einnig 1. mgr. 40. gr. laga nr. 50/1988, um virðisaukaskatt, sbr. 3. gr. laga nr. 42/1995 og 3. gr. laga nr. 134/2005.

Þess er krafist að ákærði verði dæmdur til refsingar og greiðslu alls sakarkostnaðar.“

Um málavaxtalýsingu er skírskotað til ákæru.

Ákærði játaði brot sitt skýlaust fyrir dóminum eins og því er lýst í ákæru. Þykir með játningu ákærða sem á sér stoð í gögnum málsins sannað að ákærði hafi gerst sekur um þá háttsemi sem ákært er fyrir og er brot ákærða rétt heimfært til refsiákvæða í ákærunni.

Samkvæmt sakavottorði hlaut ákærði dóm hinn 5. maí 2002 fyrir skjalafals, en var ekki gerð sérstök refsing og hinn 27. nóvember 2007 gekkst ákærði undir viðurlagaákvörðun, 5.132.248 króna sekt, fyrir brot gegn 1. mgr. 40.gr. laga um virðisaukaskatt með síðari breytingum.

Brot það, sem ákærði hefur nú verið sakfelldur fyrir, framdi ákærði áður en síðari dómurinn gekk og ber því að dæma ákærða hegningarauka við þann dóm í samræmi við 78. gr. og almennra hegningarlaga nr. 19/1940. Þá ber að tiltaka refsinguna í samræmi við ákvæði 77. gr. sömu laga.

Við ákvörðun refsingar er litið til þess að ákærði hefur gengist greiðlega við broti sínu. Þá er litið til þess að ákærði hefur staðið skil á verulegum hluta skattfjárhæðar að því er varðar tímabilin mars-apríl og maí-júní 2006, sem og janúar-febrúar 2007. Með hliðsjón af framangreindu þykir refsing ákærða hæfilega ákveðin fangelsi í tvo mánuði, en rétt þykir að fresta fullnustu refsingarinnar skilorðsbundið eins og nánar greinir í dómsorði. Þá er ákærða gert að greiða 3.400.000 krónur í sekt að viðlagðri vararefsingu eins og segir í dómsorði.

Engan sakarkostnað leiddi af meðferð málsins.

Ragnheiður Bragadóttir héraðsdómari kveður upp dóminn.

Dómsorð:

Ákærði, Vilhjálmur Stefánsson, sæti fangelsi í tvo mánuði, en fullnustu refsingarinnar er frestað og skal hún falla niður að liðnum tveimur árum haldi ákærði almennt skilorð 57. gr. almennra hegningarlaga nr. 19/1940, sbr. 4. gr. laga nr. 22/1955.

Ákærði greiði 3.400.000 krónur í sekt til ríkissjóðs innan fjögurra vikna frá birtingu dómsins, ella sæti ákærði fangelsi í 30 daga.

Ragnheiður Bragadóttir