Einföldun rekstrarumhverfis fyrir atvinnulífið
Setrið, Grand Hótel 16. janúar 2020
Nordic Smart Government á Íslandi býður til fundar um einföldun rekstrarumhverfis fyrir atvinnulífið þann 16. janúar nk. í Setrinu á Grand Hótel.
Fundurinn hefst kl. 13:30 með ávarpi Bjarna Benediktssonar, fjármála- og efnahagsráðherra. Í kjölfarið kynna verkefnastjórar og sérfræðingar úr norræna verkefnisteyminu verkefnið og ræða við fundargesti en fundinum lýkur kl. 16:00.
Allir sem hafa áhuga eru velkomnir og hvattir til að mæta. Fyrir áhugasama utan fundar verður fundinum streymt á fésbókarsíðu Skattsins (http://www.facebook.com/rikisskattstjori/).
Um Nordic Smart Government
Nordic Smart Government er norrænt samstarfsverkefni um einföldun rekstrarumhverfis lítilla og meðalstórra fyrirtækja á Norðurlöndunum. Verkefnið miðar að því að gera fyrirtækjum og stofnunum kleift að miðla/sækja viðskipta- og bókhaldsgögn á sjálfvirkan, snjallan og öruggan hátt í því sem næst rauntíma.
Þátttakendur í verkefninu koma frá fyrirtækjaskrám, skattyfirvöldum, hagstofum og fleiri aðilum. Hvert land er með eigið landsteymi sem gegnir m.a. því hlutverki að hafa samráð við hagsmunaaðila í heimalandinu. Skatturinn stýrir vinnu íslenska landsteymisins.
