Haustferðin
Skráningin er nú hafin – og er ljóst að stjórnin mun leysa þetta í sátt og samlyndi við veðurguðina – þeir félagsmenn sem ætla að keyra sjálfir eru beðnir um að láta vita við skráningu svo ekki verði gert ráð fyrir þeim í rútusæti – ef um fellibyl verður að ræða erum við með varaplan, því er tilvalið fyrir að félagsmenn að vera með símanúmer formannsins eða annara stjórnarmanna í símanum sínum. Í lundinum eru tré á alla vegu og þak yfir grillsvæði og bekki/borðum – svo þrátt fyrir að íslenskt haustveður verði á ferðinni ætti að fara vel um okkur – þe. ef allir klæða sig eins og þeir búi á Íslandi.
Það vantar sjálboðaliða í aðstoð á svæðinu á föstudag (grilla, hella í glös, bera veigarnar og fl.), vinsamlegast hafið samband við formanninn í síma s. 691 0127 – markmiðið: gaman saman – kynnumst enn frekar.
Þar sem gítarleikarinn sem stjórnin var búinn að stóla á verður fjarri góðu gamni er auglýst eftir skemmtilegu fólki til að setja saman á staðnum „Bókarabandið“ – sem vonandi inniheldur margbreytileika þjóðfélagsins á raddsviðinu og allar tegundir ásláttarhljóðfæra s.s. strengjahljóðfæri, skeiðar, fötur, dósir, glös, þvottabretti og bala – sem sagt allir að skemmta sér saman.
Kort af svæðinu er að finna hér. Athuga skal að salernisaðstaða á svæðinu er eins horft sé til fortíðar, rifjum upp hvernig var í í berjamó !.
Viljum benda ykkur á nýja grein á heimasíðu félagsins „Hugleiðingar formanns!
Kveðja stjórnin !
Leiðbeiningar: Komið er af Reykjanesbraut og beygt inn á Vífilsstaðaveg til austurs. Beygt til hægri við gatnamót við Vífilsstaðavatn og svo áfram þar til komið er að gatnamótum með skilti sem vísar inn í Heiðmörk við Maríuhella. Þaðan er 1.7 km að Trjásýnilundi.
(smellið á "Lesa meira" til að sjá kortið)
