Search
Close this search box.

Innheimta gjalda nú í ár. Fróðleikur þar um.

Ýmsar upplýsingar af vef tollstjórans í Reykjavík varðandi álagningu 2009 og fleira.

Af vef tollstjórans í Reykjavík:

17. júlí 2009
Álagning 2009
Álagning skatta á einstaklinga vegna tekna á árinu 2008 fer fram 30. júlí 2009. Hér að neðan eru upplýsingar um hvernig hægt er að létta mánaðarlega greiðslubyrði með gerð greiðsluáætlunar hjá innheimtumanni ríkissjóðs.

Lækkun launaafdráttar
Við álagningu þing- og sveitarsjóðsgjalda er launagreiðendum send krafa um að þeir haldi eftir hluta af launum starfsmanna sinna sem skulda skatta og skili inn til innheimtumanns ríkissjóðs. Ef launþegi sem skuldar skatta vill lækka þá fjárhæð sem haldið er eftir, hefur hann möguleika á að gera greiðsluáætlun hjá Tollstjóra (eða þeim innheimtumanni ríkissjóðs sem innheimtir kröfuna) til að lækka launaafdráttinn. Skatturinn er þá greiddur upp á lengri tíma sem hefur í för með sér aukinn vaxtakostnað þegar upp er staðið en mánaðarleg greiðslubyrði er léttari. Launaafdrætti er eingöngu beitt vegna þing-og sveitarsjóðsgjalda.
Launþegi þarf að fylgjast með því að tekið sé af launum í samræmi við álagningarseðil skattstjóra. Ef afdráttur af launum er ekki greiddur til innheimtumanns er sá möguleiki fyrir hendi að koma með launaseðilinn til Tollstjóra/viðeigandi innheimtumanns og sýna fram á greiðslu. Ef ekki er tekið af launum og enginn greiðsluseðill sendur er gjaldendum bent á að hafa samband við Tollstjóra (eða viðeigandi innheimtumann) og fá að millifæra greiðslu.  Einnig er hægt að greiða hjá gjaldkera á 5. hæð Tollhússins, Tryggvagötu 19.

Greiðsluerfiðleikar
Ef einstaklingur er ekki í vinnu eða starfar sjálfstætt fær hann sendan greiðsluseðil vegna vangoldinna skatta. Eigi hann í erfiðleikum með að greiða er hægt að gera greiðsluáætlun hjá innheimtumanni ríkissjóðs. Þá er greiðslunum dreift yfir lengra tímabil sem hefur í för með sér aukinn vaxtakostnað en léttari mánaðarlega greiðslubyrði.

Áætlanir skattstjóra
Innheimtuaðgerðir eru þær sömu hvort sem skattur er lagður á samkvæmt framtali eða áætlaður. Ef um áætlun skattstjóra er að ræða er mikilvægt að skila inn framtölum til að fá skattálagningu leiðrétta. Hafi það verið gert er hægt að miða innheimtu skatta við bráðabirgðaútreikning, en leggja þarf fram staðfestingu á því að framtali hafi verið skilað. Staðfesting á skilum á framtali getur verið móttökukvittun og bráðabirgðaútreikningur á álagningunni sem hægt er að prenta út þegar framtali er skilað í gegnum þjónustusíðu á vef Ríkisskattstjóra. Einnig er hægt að fá staðfest afrit af framtalinu á skattstofunni eða með því að prenta það út af þjónustusíðu Ríkisskattstjóra.
Þar sem álagning skatta er skilin frá innheimtunni hafa Tollstjóri og aðrir innheimtumenn ríkissjóðs ekki upplýsingar um skattkærur og fyrirhugaðar leiðréttingar. Það er því áríðandi fyrir skattgreiðanda að láta Tollstjóra/viðeigandi innheimtumann ríkissjóð vita af slíku tilviki og ganga frá greiðsluáætlun. Geri hann það ekki hefjast innheimtuaðgerðir sem hafa í för með sér óafturkræfan kostnað og óþægindi.
Í öllum tilvikum borgar það sig að hafa samband við Tollstjóra/viðeigandi innheimtumann sem fyrst ef upp koma greiðsluerfiðleikar. Með álagningarseðlinum er sendur innheimtuseðill og á honum kemur fram hvaða innheimtumaður ríkissjóðs er með álagninguna til innheimtu.
Þjónustufulltrúar lögfræðideildar innheimtusviðs Tollstjóra eru staðsettir á 4. hæð Tollhússins, Tryggvagötu 19 og til viðtals á opnunartíma embættisins, frá kl. 08:00-15:30. 
Álagningarseðla og aðrar upplýsingar um álagningu skatta er hægt að nálgast á vefnum www.skattur.is

Close Popup

Félag viðurkenndra bókara notar vafrakökur til að bæta upplifun og greina umferð um vefinn.

Close Popup
Privacy Settings saved!
Friðhelgisstillingar

Við notum vafrakökur til að skrá upplifun notenda síðunnar svo við getum betur komið til móts við þá. Hér getur þú með einföldum hætti haft áhrif á þá virkni.


GDPR stillingar
Þessi vafrakaka vistar stillingar notandans varðandi samþykki á vafrakökum á fvb.is
  • CookieConsent

Tæknilegar vafrakökur
Þessar kökur eru hluti af WordPress kerfinu.
  • wordpress_test_cookie
  • wordpress_logged_in_
  • wordpress_sec

Hafna öllum vafrakökum
Save
Samþykkja allar vafrakökur