Sæl veriði.
Vildi láta vita að búið er að opna fyrir móttöku á umsóknum um lokunarstyrk 5, þ.e. vegna stöðvunar á starfsemi frá 1. janúar s.l. til og með annars vegar 12. janúar og hins vegar 7. febrúar. Í raun eru það þeir rekstraraðilar sem var gert að stöðva starfsemi sína alveg frá 18. september 2020 sem geta sótt um lokunarstyrk 5. Ákveðið var að “búta lokunarstyrkina niður” þannig að flæði greiðslna yrði með öðrum hætti en ef beðið hefði verið eftir því að lokun væri alveg aflétt. Það skýrir fleiri umsóknir og aðgreiningu á styrkjunum.
Lokunarstyrkur 6 mun síðan taka til lokana frá og með 25. mars s.l. þegar þar að kemur.
Eins og áður er sótt um í gegnum þjónustusíður umsækjenda á skattur.is. Eftir að fullbúin umsókn berst Skattinum á almennt ekki að taka langan tíma að afgreiða hana þannig að greiðsla á að geta borist umsækjanda innan ekki margra daga. Páskarnir kunna þó að lengja þetta eitthvað örlítið. Rétt er að ítreka að umsókn er ekki fullbúin fyrr en búið er að undirrita hana með rafrænum skilríkjum en nokkur brögð hafa verið að því að dregist hefur hjá umsækjendum um aðra styrki að ganga frá þeim þætti málsins.
Kveðja / Regards
