Meðfylgjandi er nýtt frumvarp til laga. Vaðar það breyting á lögum nr.
90/2003, um tekjuskatt, lögum nr. 45/1987,um staðgreiðslu opinberra gjalda, lögum nr. 113/1990, um tryggingagjald,lögum nr. 94/1996, um staðgreiðslu skatts á fjármagnstekjur,og lögum nr. 50/1988, um virðisaukaskatt,með síðari breytingum.
Í fyrsta lagi eru lagðar til breytingar á reglum sem varða skattlagningu á söluhagnaði lögaðila af hlutabréfum þannig að heimild til frestunar á skattlagningunni falli niður og um leið að söluhagnaðurinn verði skattfrjáls að því tilskildu að frádráttur vegna þess kostnaðar sem fellur til við hlutabréfaviðskiptin verði takmarkaður og hvorki verði unnt að draga hann frá öðrum tekjum né geti hann myndað yfirfæranlegt tap hjá félögum.
Í öðru lagi er í frumvarpinu gert ráð fyrir að komið verði á fót sérstakri einingu innan Reykjavíkurumdæmis . Hafi hún með höndum umsýslu með skattamálum stórfyrirtækja óháð heimilisfesti fyrirtækjanna. Markmiðið með að auka skilvirkni og samkvæmni í skattframkvæmdinni gagnvart fyrirtækjum og samsteypum fyrirtækja sem hafa meira en 10 milljarða. kr.
veltu eða ef heildareignir þeirra eru umfram 5 milljarða kr.
Í þriðja lagi er lagt til að tekin verði af öll tvímæli um það að ógerilsneydd mjólk (hrámjólk) eigi að vera í efra þrepi virðisaukaskatts þar sem ekki er litið svo á að hún sé matvara til manneldis í skilningi laganna. RSK 0508
