RSK – Þingmál – Staða stóra haustfrumvarpsins (18 ára aldur, skatt% ofl),Breytingartiillögur og nefndarálit
Frumvarp fjármálaráðherra til l. um breyt. á l. nr. 90/2003, um
tekjuskatt, og l. nr. 94/1996, um staðgreiðslu skatts á fjármagnstekjur, með
síðari breytingum er komið úr nefnd og bíður í dag 2. umræðu en er þó enn ekki
(kl 15.25) komið á birta dagskrá Alþingis.
Tvær tillögur þingmanna og ein frá minni hluta nefndar um breytingar
liggja fyrir. Varða þær skattleysismörk og skattundanþágur ofl.
Athyglisverð umræða virðist hafa orðið í
nefndinni um frávik frá meginreglum um skattstofna. Nefndin ræddi þannig um ákvæði um
undanþágu frá skattskyldu vegna greiðslna sem foreldrar eða forráðamenn barna fá
frá sveitarfélögum til að annast heima börn á tilteknum aldri. Um er að ræða
hlunnindi sem flestir forráðamenn barna njóta en hafa ekki verið skattlögð sem
slík vegna félagslegs eiginleika þeirra. Segir í áliti nefndarinnar að þegar
þessi hlunnindi séu greidd út í peningum sé ekki eðlilegt að þau séu skattlögð.
Þau sjónarmið voru einnig rædd í nefndinni hvort það sama ætti ekki að gilda um
aðrar greiðslur eða ávísanir frá hinu opinbera sem ætlað er að greiða almennt
fyrir opinbera þjónustu eins og tónlistarkennslu eða jafnvel grunnskólakennslu,
sbr. einkaskóla. Þá var rætt um hver hugsunin almennt væri á bak við það að
sumar greiðslur frá opinberum aðilum eru skattfrjálsar en aðrar ekki. Er það
ályktun nefndarinnar að almennt sé stefnan sú að hafa undanþágur skattalaga sem
fæstar og skuli þær jafnframt skýrðar þröngt með tilliti til þess að jafnræði sé
með borgurunum.
Meiri
hluti efnahags og viðskiptanefndar leggur þó einungis til tvær breytingar á
frumvarpinu:
Annars vegar er um að ræða
breytingar á fjárhæðum eignaviðmiðunar til skerðingar á vaxtabótum
Hins vegar er lagt til að ein grein frumvarpsins
falli brott þannig að áfram verði heimilt að lækka tekjuskattsstofn manns sem
hefur veruleg útgjöld af menntun barna sinna 16 ára og eldri en ekki 18 ára og
eldri eins og frumvarpið gerir ráð fyrir.
133. löggjafarþing 2006–2007.
Þskj. 568 — 276.
mál.
