Á fræðslufundinum miðvikudaginn 21. maí n.k. verur fjallað um nýjungar í fjármálatækni er varða stafrænar lausnir fyrir fyrirtækjakort og bókhaldsvinnu. Sérstök áhersla verður lögð á sjálfvirknivæðingu bókhaldsferla og hvernig slíkar lausnir geta dregið úr álagi við mánaðarmót og aukið yfirsýn stjórnenda yfir rekstrarkostnað. 

Kardio lausnin verður kynnt, sem gerir fyrirtækjum kleift að gefa út stafræn greiðslukort á einfaldan og öruggan hátt. Rætt verður um hvernig sjálfvirk kvittanaskil og innbyggðar áminningar geta stuðlað að betra verklagi, minni handavinnu og aukinni nákvæmni í bókhaldi. Þá verður farið yfir hvernig slík tól geta haft áhrif á hlutverk bókara og skilað auknu svigrúmi til að sinna virðisaukandi verkefnum. 

Erindið hentar vel stjórnendum, bókurum og öðrum sem koma að fjármálastjórn fyrirtækja.