Félag viðurkenndra bókara

Reglugerð  um próf til viðurkenningar bókara og prófefnislýsingar

Morgunverðarfundur

föstudaginn  25. maí 2012

Kl. 09:00-10:00 í sal VR,  Húsi verslunarinnar – neðsta hæð

Umræðuefni verður meðal annars :

Reglugerð um próf til viðurkenningar bókara með vísan til þess að:

„ Ráðherra skipar þriggja manna prófanefnd til fjögurra ára í senn. Einn nefndarmaður skal tilnefndur af samstarfsnefnd háskólastigsins, sbr. 26. gr. laga nr. 63/2006 um háskóla. Einn nefndarmaður skal tilnefndur af Félagi viðurkenndra bókara. Einn nefndarmaður skal skipaður án tilnefningar og skal hann vera formaður nefndarinnar. Varamenn skal skipa með sama hætti.

Einnig verða kynnt drög að prófefnislýsingum  sem verða birtar mjög fljótlega.

Fulltrúi félagsins í prófanefnd, Inga Jóna Óskarsdóttir, mun kynna

hvernig málin standa og hvað nefndin hefur verið að vinna að í vetur.

Skráið þátttöku á vef félagsins, www.fvb.is  fyrir miðvikudaginn 23. maí n.k.

Óvissuferð ársins var á síðasta föstudag og tókst með eindæmum vel.Góð mæting var og voru sannarlega allir í góðu skapi og nutu lífsins.

Farið var í Guðmundarlund sem er í umsjá Skógræktarfélags Kópavogs. Þegar þar var komið var genginn stuttur hringur, grillað og svo sungið af hjartans list. Söngvurum fannst þetta takast það vel að rætt var um að stofna FVB kórinn.

Veðrið lék við okkur þrátt fyrir smá dembu í lok ferðar, en þá var bara farið inn og kveikt upp í arninum til ylja okkur. 

Við tökum nú sumrinu mót og vil ég í kjölfarið þakka öllum félagsmönnum fyrir góðan og skemmtilegan vetur, bæði á sviði fræðslu og skemmtunar.

Megum við eflast og dafna enn frekar.

Kveðja

Júlía Sigurbergsdóttir

Formaður viðurkenndra bókara

Félag viðurkenndra bókara óskar eftir starfsmanni til starfa fyrir félagið.